KMA NEWS/ Ambadsada e Shqipërisë në Athinë, nën interesimin e drejtëpërdrejtë të Ambasadorit shqiptar z. Dashnor Dervishi dhe znj. Elvira Dervishi, organizoj një pritje në kuadër të festave kombëtare të 28-29 nëntorit, për Trupin Diplomatik të akredituar në Athinë, përfaqësuesit e qeverisë dhe shtetit grek, si dhe përfaqësive dhe aktivistëve të komunitetit shqiptarë në Greqi.
Në pritjen që u shtrua në Hotel Karavel, një nga më të njohurit në Athinë, për palën greke në emër të qeverisë dhe shtetit nderuan me pjesëmarrjen e tyre Ministri i Punës, zoti Jorgοs Katrugkalos dhe Zv/Kryetari i Parlamentit, z. Anastasios (Tasos) Kourakis. ku njëkohësisht i përcollën Ambasadorit Dervishi edhe urimin e kryeministrit Aleksis Cipras dhe të kreut të Kuvendit z. Nikolas Vucis. Mbrëmja kaloj në një atmosferë të ngrohtë festive, ku të pranishmit patën rastin të shkëmbejnë urimet e përzemërta mes tyre në përkujtim të festave të mëdha të 103 vjetorit të Pavarësisë dhe 70 vjetorit të çlirimit të Atdheut. Aktivitete të tjera të shumta dhe të larmishme do të zhvillohen në ditët në vazhdim nga përfaqësit e emigrantëve në përkujtim të festave të Nëntorit.
