KMA NEWS/ “Shqipëria ka një sistem drejtësie të kapur dhe misioni i reformës në drejtësi është t’i jepet fund kësaj situate”. Në vija të trasha ishte ky mesazhi që jep ambasadorja e Bashkimit Europian në Tiranë, Romana Vlahutin. Ajo ishte e pranishme në një tryezë për reformën në drejtësiku tha se është koha që të përmbushet misioni i 25 viteve më parë kur studentët bërtisnin: “Ta bëjmë Shqipërinë si gjithë Europa”.
“Është koha që brezi juaj të përfundojë atë që studentët nisën 25 vjet më parë. Ajo përpjekje nuk ka mbaruar ende. Dhe mos kini frikë, veçanërisht mos kini frikë nga ata që duan të besoni se janë të paprekshëm. Të paprekshëm nuk ka. 25 vjet me parë duhej shumë më tepër guxim për të dalë në rrugët e Tiranës e për të kërkuar liri, se sa duhet sot për të realizuar këtë reformë. Dhe mos kini frikë, veçanërisht mos kini frikë nga ata që duan të besoni se janë të paprekshëm. Të paprekshëm nuk ka. Prandaj nuk ka justifikime. Dhe të gjithë ata që mendojnë se me arrogancë, manipulime apo lobime agresive do ta ndalojnë këtë proces, janë të gabuar” – tha ajo.
