Sekretari i Përgjithshëm i Partisë Demokratike z. Arben Ristani ka deklaruar sot në seancën plenare të kuvendit se burokracia dhe korrupsioni kanë qenë ndër shkaqet që rrëzuan PD-në nga pushteti në vitin 2013.
“Shqiptarët nuk e kanë besuar Ramën, as para 2013, as pse do u hapte 300 mijë vende pune e do tu jepte legalizime e shëndetësi falas. Shqiptarët donin ndryshimin, ishte legjitim për shkak të mërzitjes, burokracisë së fryrë dhe të korruptuar të atyre 8 viteve. Por Ramën nuk e besuan, se pas zgjedhjeve nuk iu dhanë vende më shumë në kuvend se para 8 vitesh”, tha Ristani nga foltorja e Kuvendit.
