SHQIPTARI NEWD – Arnold Schwarzenegger ka postuar një video-mesazh në Twitter duke u kërkuar rusëve të tërhiqen kundër narrativës pro-luftës të paraqitur nga qeveria ruse.
Në një klip që zgjat mbi nëntë minuta– i cili është parë mbi një milion herë në më pak se dy orë – Schwarzenegger flet për dashurinë e tij për Rusinë dhe kujton udhëtimet në vend gjatë karrierës së tij si bodybuilder.
Ylli i filmit dhe ish-guvernatori i Kalifornisë u thotë rusëve se “nuk po u thuhet e vërteta për pasojat e kësaj lufte” dhe i informon se “bombat po bien mbi civilët e pafajshëm”.
Duke renditur një mori sulmesh ruse kundër qyteteve të Ukrainës, Schwarzenegger u thotë rusëve se si rezultat i krizës humanitare, pushtimi i Vladimir Putinit ka dështuar “Rusia tani është e izoluar nga shoqëria e kombeve”.
Ai shton se “mijëra ushtarë rusë janë vrarë” pasi janë asgjesuar nga forcat ukrainase që “luftojnë për atdheun e tyre, ndërkohë që udhëheqjesja ruse lufton për pushtim”.
Ylli i “Terminator” përfundon duke lavdëruar mijëra protestues rusë të arrestuar nga policia javët e fundit, duke u thënë atyre “bota e ka parë trimërinë tuaj”, duke shtuar “ju jeni heronjtë e mi”.
