GAZETA E LONDRES – BE e vendosur për mbështetjen e Ukrainës
Presidentja e Komisionit Evropian Ursula von der Leyen tha në prag të një takimi të nivelit të lartë mes BE-së dhe Ukrainës javën e ardhshme se Ukraina ka mbështetje të pakushtëzuar nga blloku dhe se vendi duhej të fitojë ndaj agresionit rus për të mbrojtur vlerat evropiane.
“Ne qëndrojmë në krah të Ukrainës pa asnjë mëdyshje,” tha zonja von der Leyen në një fjalim të shtunën në një aktivitet të partisë së saj Kristian Demokrate në Duseldorf të Gjermanisë.
Ukraina “po lufton për vlerat tona të përbashkëta, po lufton për respektimin e ligjit ndërkombëtar dhe për parimet e demokracisë dhe kjo është arsyeja pse Ukraina duhet ta fitojë këtë luftë,” tha ajo.
Takimi i nivelit të lartë BE-Ukrainë do të mbahet më 3 shkurt.
