KMA NEWS / Kreu i LIBRA-s deputeti, Ben Blushi ka bërë një pasqyrim të përmbledhur me pak fjalë në lidhje se, kush e drejton dhe kush e shkatërron Shqipërinë.
Politika dhe qeverisaj 25 vjeçare me punën e tyre të drejtë dhe të zhdrejtë nuk arritën për një çerek shekulli që ta radhisin vendin tonë përkrahë shteteve të tjera të BE.
Me këtë drejtim të deri tanishëm Shqipërisë i duhen jo vite, po shekuj për ta anëtarsuar në BE. Prandaj, ka ardhur koha për një lëvizje të re mbarëpopullore në shërbim të Shqipërisë dhe shqiptarëve.
Jemi popull i zgjuar, por na ka munguar drejtimi dhe politika e deritanishme e cila veç frymës së përçarjes dhe shkatërrimit nuk na ka sjellë asgjë të re.
Bashkimi rreth çdo lëvizje të re në shërbim dhe për të mirën e vendit është shpëtim.
Blushi ka bërë një gjetje të mirë me murin e maskave, ku përçon një mesazh zgjimi për shqiptarët.
Mesazhi i blushit në FB
Muri i Maskave të Shqipërisë
Nese ka një pasqyrë për Shqipërinë e sotme, eshtë ky mur i mbushur me maska. Maska pas të cilave fshihen të paaftë por tekanjozë, biznesmenë dhe bajlozë, idiotë me manikyr por kurajozë, banditë me paruke si kakzozë, politikanë servilë si rrogoz, liliputë, taketuke, raketake,tiktake, tarallake, zhurmaxhinj, kumarxhinj, sherrxhinj, sharrzhinj, dallaverazhinj por grandiozë,gazetarë me qira por karagjozë, televizione që hapen si dollap për lapangjozë, parlamentarë lloz, mavi , blu, të zinj dhe rozë , qeveritarë bozë, pushtetarë mafiozë,të korruptuar, te shitur, të shpifur të shtirur, të mbytyr dhe të zhytyr në blozë.Të gjithë kanë të përbashkët mungesën e dinjitetit. Kjo është Elita e Shqipërisë e mbuluar me maska si ky mur që duhet shembur dhe do shembet. Mbi rrënojat e tij mund të ngrihet Lapidari i Dinjitetit!
