SHQIPTARI NEWS – Boris Johnson bisedë telefonike me Sekretarin e Përgjithshëm të OKB
Kryeministri britanik Boris Johnson, foli sot në mbrëmje me Sekretarin e Përgjithshëm të Kombeve të Bashkuara, Antonio Guterres, për të diskutuar rreth krizës në kufirin e Ukrainë.
Johnson tha se aktualisht ka pak prova për tërheqjen e Rusisë dhe ata ranë dakord se çdo pushtim i Ukrainës do të kishte pasoja katastrofike dhe me ndikim të gjerë.
Udhëheqësit përsëritën përgjegjësinë e shteteve për të respektuar detyrimet e tyre sipas Kartës së Kombeve të Bashkuara dhe për të respektuar sovranitetin dhe integritetin territorial të anëtarëve të OKB-së.
Kryeministri Johnson dhe Sekretari i Përgjithshëm i OKB rikonfirmuan gjithashtu rëndësinë që të gjitha palët të punojnë me mirëbesim për zbatimin e marrëveshjeve të Minskut. Mbretëria e Bashkuar do të përfaqësohet nga Ministri i Evropës James Cleverly në një takim të Këshillit të Sigurimit të OKB-së nesër (të enjten) për të diskutuar zbatimin e marrëveshjeve.
Udhëheqësit e lartë ranë dakord të vazhdojnë të punojnë ngushtë së bashku për të gjetur një zgjidhje urgjente diplomatike dhe për të shmangur një përshkallëzim katastrofik ushtarak dhe krizë humanitare.
