Burg edhe për të dashurat dhe të afërmit e zyrtarëve të lartë që fshehin pasurinë

KMA NEWS / Bashkëjetueset/it, të afërmit dhe miqtë, të cilët fshehin në emrin e tyre paratë e korrupsionit apo pasuritë e paluajtshme të politikanëve, gjyqtarëve, prokurorëve dhe zyrtarëve të tjerë, do të dënohen me burg. Kështu parashikon draftipër deklarimin dhe kontrollin e pasurive. Ndryshimet e propozuara nga misioni EURALIUS në kuadër të zbatimit të reformës në drejtësi dhe të luftës kundër korrupsionit, veshin me përgjegjësi ligjore të gjithë subjektet e lidhur me zyrtarët e parashikuar në ligj për vërtetësinë dhe saktësinë e të dhënave të deklaruara. Por, për herë të parë në rrethin e personacve të lidhur me zyrtarin të cilët mbartin detyrimin për deklarim, shtohen bashkëjetueset apo bashkëjetuesit e zyrtarëve. Pra, bashkëjetueset ose të dashurat jo vetëm do të deklarojnë pasurinë, por do të mbajnë përgjegjësi penale njelloj si vetë funksionarët për deklarim të rremë./Shqiptarja.com