GAZETA E LONDRES – Spektakël te Liqeni i Tiranës në Ditën e Verës: Mbi 500 dron krijojnë hartën e Shqipërisë dhe zemrën
Tirana sot është kthyer në një arenë të madhe festive me mbi 100 aktivitete në kuadër të Ditës së Verës.
Qytetarë të shumtë të të gjitha grupmoshave kanë mbushur sot kryeqytetin duke shijuar aktivitetet e ndryshme që nga muzika e deri tek sportet.
Për Ditën e Verës, Bashkia e Tiranës kishte planifikuar 100 aktivitete të ndryshme. Sakaq, kjo ditë është mbyllur me spektaklin me dron, në të cilën janë përcjellë disa mesazhe.
Fillimisht me dron u krijua një zemër, më pas harta e Shqipërisë dhe një “faleminderit Shqipëri”. Kjo tërhoqi vëmendjen e shumë qytetarëve te Kodra e Liqenit.
