SHQIPTARI NEWS-Drejtori i Qendrës për Neuroshkencën dhe Teknologjinë në XhenovaFabio Benfenati, ka thënë se proteza formohet nga një solucion ujor, në të cilin qëndrojnë nanogrimca fotoaktive të cilat në mënyrë funksionale zëvendësojnë fotoreceptorët e retinës së dëmtuar nga sëmundjet dhe plakja, që në disa raste, mund të çojnë në verbëri të plotë.
Në Itali është krijuar proteza e parë e retinës në formë të lëngshme. Ky krijim është bërë nga Instituti Italian i Teknologjisë dhe lajmin për këtë e ka bërë të ditur drejtori i Qendrës për Neuroshkencën dhe Teknologjinë në Xhenova Fabio Benfenati, i cili ka thënë se proteza formohet nga një solucion ujor, në të cilin qëndrojnë nanogrimca fotoaktive të cilat në mënyrë funksionale zëvendësojnë fotoreceptorët e retinës së dëmtuar nga sëmundjet dhe plakja, që në disa raste, mund të çojnë në verbëri të plotë.
“Një retinë artificiale e lëngshme ka potencial të madh për të siguruar një fushë të gjerë pamjeje dhe një shikim të qartë”, shpjegoi Fabio Benfenati.
Në krahasim me teknikat aktuale, retina artificiale e lëngshme ka provuar të jetë në gjendje të rivendosë aftësinë e neuroneve të retinës në një mënyrë më pak invazive dhe më efikase, kështu që proteza do të ketë ndërhyrje më të shkurtra dhe më pak traumatike, të cilat përbëhen nga mikro injeksione të nanogrimacev drejt e nën retinë, ku mbeten të bllokuara duke kështu zënë vendin e fotoreceptuesve të dëmtuar./ilsecoloxix.it/
