GAZETA E LONDRES – “Foltorja” e Berishës humb me rezultat të thellë Kukësin
Partia Socialiste ka korrur sërish një fitore të thellë në Kukës, me një diferencë mbi 5 mijë votash para kandidatit të Foltores së Sali Berishës dhe Ilir Metës, Emri Vata.
Socialistët kuksianë festojnë të lumtur për rezultatin ndërsa Halilaj thotë se kjo diferencë e madhe votash tregon që qytetarët duan njerëzit që punojnë.
“Falenderoj me gjithë zemër të gjithë qytetarët e Kukësit, premtoj që do jem krah tyre për t’iu ardhur në ndihmë. Jap një mesazh të qartë politikës, që duhet të jenë sa më pranë njerëzve në nevojë sa më pranë qytetarëve. Fitorja me diferencë të madhe votash tregoi që Kukësi zgjodhi njerëzit e punës dhe njerëzit që u rrinë pranë. Unë e prisja rezultatin po jo në këtë masë, jam djal i thjeshtë e i punës që komunikoj me çdo qytetar me çdo bindje partiake.”- tha Albert Halilaj.
