KMA NEWS / Formacioni zyrtar i ndeshjes Shqipëri – Turqi në “Loro Boriçi” të Shkodrës
Trajneri i Kombëtares tonë Kristiano Panucci tashmë e ka zyrtarizuar formacionin e Kuq e Zinjëve në përballjen e sotme me Turqinë në orën 20:45, në stadiumin Loro Boriçi të Shkodrës, ndeshja e parë kjo e Kualifikueseve për Kampionatin Europian 2020.
Tekniku Panuçi do të zbresë në fushë me një formacion ku i jep një prioritet shumë të madh sulmit.
Sonte, në orën 20:45, në “Loro Boriçi” duhet t’u japë shkëndijën zemrave kuqezi për të ndezur flakën e pasionit dhe dashurisë për fanellën e Kombëtares në një sfidë që mund të vendosë shumë për objektivat e skuadrës në këtë fushatë eliminatore.
I kushtëzuar sa nga përzgjedhjet e tij e më shumë nga dëmtimet e lojtarëve, Panucci përballë Turqisë pritet të hedhë në fushë këtë formacion: Në portë nga minuta e parë do të jetë Etrit Berisha, në mbrojtje Hysaj në krahun e djathtë, Gjimshiti e Ismajli në qendër dhe Frederik Veselin në të majtë.
Ky i fundit duket se ka fituar balotazhin me Naser Alijin, pasi bëhet fjalë për një rol të cilin e ka bërë jo rrallë te skuadra e Empolit në kampionatin italian. Sa i përket mesfushës, konfirmohen Xhaka e Memushaj, ndërsa rikthehet titullar edhe Abrashi, pas një mungese të gjatë për shkak të dëmtimit.
Në sulm Panucci duket i bindur t’i besojë Balës në majë, i mbështetur nga Myrto Uzuni nga e djathta, dhe Balliu nga e majta.
Panucci do ta nis lojnë me variantin (4-2-3-1) ku do të dalë në fushë me këta lojtarë:
Berisha, Hysaj, Veseli, Gjimshiti, Ismailaj, Abrashi, Xhaka, Memushaj, Balliu, Uzuni dhe Bala
