GAZETA E LONDRES – Goli fantastik i Uzunit nuk mjafton, Izraeli fiton me një gol në minutat e fundit
Shqipëria nuk ka arritur të dalë me rezultat pozitiv nga “Tel Aviv” ndaj Izraelit.
Rasti ynë më i mirë ishte në minutat e para të lojës ku Broja përfitoi me dinakërinë e tij prej sulmuesi dhe i rrëmbeu topin kundërshtarit brenda zonës, por goditje e tij përballë portës ishte shumë e dobët dhe pak kërcënuese për portierin e izraelit.
Më pas skuadra vendase, ka tentuar disa herë për të kërcënuar portën e Strakoshës, ku rastet dhe goditjet kanë qenë tepër të rrezikshme.
Pjesa e dytë ka nisur menjëherë në favorin e Izraelit, ku në minutën e 46-të, Hysaj ka gabuar në krahun e djathtë dhe Weissman ka shënuar përballë Strakoshës.
Shpresa lind në minutën e 88-të, ku Myrto Uzuni realizon një gol spektakolar. Festa zgjat shumë pak për kombëtaren tonë, pasi në minutën e 92-të, pas një gabimi të rëndë të Mihajt, Baribo realizon golin e përmbysjes duke i dhënë fitoren e çmuar Izraelit 2-1
