KMA NEWS / Kryeministri Edi Rama ka propozuar zyrtarisht emrin e Gramoz Ruçit për kryetarin e ri të Kuvendit të Shqipërisë.
Nga Asambleja Kombëtare e PS-së, Edi Rama ka propozuar ashtu siç edhe përflitej, emrin e Gramoz Ruçit për postin e kryeparlamentarit të kuvendit të ri. Sipas Ramës, ka ardhur koha që në parlament të ketë nivel debati e edukate dhe jo më një “rrumpallë” fjalësh e akuzash gjithëçfarëdo.
Në fjalën e tij në Asamble, ai e cilësoi Ruçin si njeriun me autoritetin e posaçëm. “Grupi parlamentar, po e nis nga koka. Gramozi e ka mbuluar prej vitesh këtë detyrë por mandati ynë i ri kërkon ti japim Kuvendit të Shqiperise një kryetar të ri dhe me autoritetin e posacëm Gramozi është jo vetem kryetari i natyrshëm për këtë mandat por edhe figura politike që do ngjitet me eksperiencën më të madhe. Është nder e krenari që ti japim kryetarit të kësaj Asambleje të gjithë mbështetjen tonë” u shpreh Rama..
Ndërkohë kryeministri Edi Rama ka propozuar emrin e Taulant Ballës për kreun e grupit të ri parlamentar të PS-së.
