KMA NEWS / Sipas një njoftimi të zyrës se presidentit, Hashim Thaçi, do të udhëtojë nesër për në Bruksel për t’i kërkuar Bashkimit Europian jetësimin e liberalizimit të vizave për qytetarët e Kosovës.
Thaçi do të pritet nga Presidenti i Këshillit Evropian, Donald Tusk, me të cilin do të bisedojë për procesin e integrimeve evropiane të Kosovës.
“Më pas, presidenti Thaçi do të takohet edhe me Kryetarin e Parlamentit Evropian, Antonio Tajani, nga i cili do të kërkojë vazhdimin e mbështetjes së Parlamentit Europian për Kosovën”, thuhet në njoftimin e zyrës së Presidentit.
Ndërsa, të enjten, presidenti Thaçi do zhvillojë një takim edhe me Presidentin e Komisionit Evropian, Jean Claude Juncker gjithashtu për të biseduar për thellimin e bashkëpunimit ndërmjet Kosovës dhe Komisionit Europian.
