SHQIPTARI NEWS – Një propozim i ri rus për armëpushim për të lejuar civilët të largohen nga qytetet kryesore është cilësuar “imoral” nga Ukraina.
Njerëzit në Kiev do t’u ofrohet kalim i sigurt për në Bjellorusi aleatin e Rusisë. Ndërsa ata në Kharkiv do të kenë një korridor që të çon vetëm në Rusi.
Korridoret nga Mariupoli dhe Sumy i rrethuar do të çojnë në qytetet e Ukrainës dhe në ato ruse.
Dy përpjekje këtë fundjavë për armëpushim në Mariupol, ku njerëzve u mungon ushqimi, u rrëzuan.
Sulmet me raketa kanë vazhduar në zona të banuara në disa qytete, bënë me dije Ukraina, duke paralajmëruar për një sulm të gjithanshëm në kryeqytet.
Katër persona, duke përfshirë një nënë dhe dy fëmijë, u vranë nga zjarri i mortajave ndërsa banorët u larguan nga Irpin, një vend afër Kievit.
Çmimet e naftës rriten në nivelin më të lartë të 13 viteve për shkak të krizës.
Detaje të korridoreve humanitare të propozuara nga Rusia
Siç njoftohet disa nga korridoret e reja të armëpushimit të shpallura nga Rusia çojnë në Rusi ose Bjellorusi.
Nga katër qytetet që bëhet fjalë, vetëm ato më të voglat – Mariupol dhe Sumy – kanë rrugë evakuimi që të çojnë në pjesë të tjera të Ukrainës.
Lista e plotë e rrugëve u publikua nga agjencia ruse e lajmeve Ria, duke cituar një organ të themeluar së fundmi të quajtur Shtabi Koordinues Ndërdepartamental për Reagimin Humanitar në Ukrainë.
Detajet janë si më poshtë:
Mariupol
Rruga 1 – Novoazovsk, Taganrog, Rostov-on Don (Rusi), më pas me ajër, rrugë ose hekurudhë në një destinacion të zgjedhur ose vend mbajtjeje të përkohshme.
Rruga 2 – Portivske, Mangush, Respublika, Rosivka, Bilmak, Polohi, Orekhiv, Zaporizhzhya (Ukrainë)
Kharkiv
Nekhoteyevka, Belgorod (Rusi) më pas me ajër, rrugë ose hekurudhë.
Sumy
Rruga 1 – Sudzha, Belgorod pastaj me çdo transport.
Rruga 2 – Sumy, Golubivka, Romny, Lokhvitsya, Lubny, Poltava (Ukrainë)
Kiev
Hostomel, Rakivka, Sosnovka, Ivankiv, Orane, Çernobil, Gden’, Gomel (Bjellorusi), pastaj me ajër në Rusi.
Deklarata shton se ushtria ruse do të kryejë “kontroll objektiv të pandërprerë të evakuimit, duke përfshirë përdorimin e dronëve”.
Një zëdhënës i presidentit ukrainas Volodymyr Zelenskiy e ka quajtur propozimin “plotësisht imoral”, duke thënë se Rusia po përpiqej “të përdorë vuajtjet e njerëzve për të krijuar një pamje televizive”.
Zëdhënsi tha se propozimi i Rusisë për korridoret humanitare që çojnë refugjatët në Bjellorusi ose Rusi ishte “plotësisht imoral”.
Qytetarët ukrainas duhet të lejohen të largohen nga shtëpitë e tyre përmes territorit ukrainas, tha ai
“Kjo është një histori krejtësisht imorale. Vuajtjet e njerëzve përdoren për të krijuar pamjen e dëshiruar televizive,” tha zëdhënësi në një mesazh me shkrim të cituar nga agjencia e lajmeve Reuters.
Mesazhi: “Këta janë shtetas të Ukrainës, ata duhet të kenë të drejtë të evakuohen në territorin e Ukrainës”
