SHQIPETARI NEWS / Portali Qeveritar E-albania ka publikuar sot listën e plotë të aktiviteteve të cilat lejohet të hapen nga e hëna. Në këtë listë, përveç ndërmarrjeve prodhuese lejohet të hapen edhe aktivitetet tregtare. Nga e hëna lejohet aktiviteti për të gjithë ata që merren me instalime elektrike, hidraulike, dhe disa specialitete të tjera të ndërtimit. Dyqanet e shitjes së luleve, byrektoret, fast-food, kancelaritë, kioskat ku lejohet shitja e gazetave, gjithashtu hapen nga e hëna. Gjithashtu, pjesë e listës së bizneseve që do të jenë hapur janë edhe tregjet me shumicë dhe pakicë të mallrave elektronikë, elektroshtëpiakeve, ushqimorë, e bujqësorë.
Që prej 17 marsit, mijëra biznese në Shqipëri janë mbyllur për shkak të masave për të parandaluar përhapjen e koronavirusit në vend. Me stabilizimin e situatës pritet që të shtohet edhe hapja graduale e bizneseve dhe zgjerimi i lëvizjes. Në ditët në vijim pritet që të bëhet edhe një lehtësim tjetër për lëvizjen me makina, ndërkohë që pensionistëve sot iu dhurua një ditë lirie, kur i gjithë vendi ndodhet në karantinë deri të hënën.
Për të parë listën e aktiviteteve që do të lejohen të hapen nga dita e hënë 20 prill kliko linkun https://dosja.al/wp-content/uploads/2020/04/aktivitetet-e-hapura.pdf
