KMA NEWS/ Ceremonia për ‘Topi i artë’, e cila u mbajt ne kryqytetin e Zvicrës, Zurich u fitua për të pestën herë nga Leo Messi. Në garë ishin tre pesha të rënda të futbollit botëror, Lionel Messi, Neymar dhe Cristiano Ronaldo. Çmimi për trajnerin më të mirë e fitoi tekniku i Barcelonës, Luis Enrique ku me arritjet me skuadrën e tij në vitin që lamë pas arriti ta rrëmbente çmimin.
Tejet i emocionuar për arritjen e tij të jashtëzakonshme, Messi foli pas marrjes së trofeut, duke thënë se kurrë nuk e kishte ëndërruar këtë arritje në futboll.
“Është një moment shumë i veçantë për mua të jem përsëri këtu në këtë fazë, duke fituar përsëri një tjetër “Top të Artë”. Është e pabesueshme e kam fituar për herë të pestë atë. Kjo është një arritje që unë kurrë nuk e kisha ëndërruar në fëmijëri. Dua të falënderoj të gjithë ata që votuan për mua, padyshim edhe shokët e skuadrës. Së fundi dua të falenderoj sportin e futbollit për gjithçka që më ka dhënë mua, më ka bërë të mësoj dhe të rritem”, tha Mesi.
Ndërkohë formacioni më i mirë për vitin 2015 ishte:
Në portë: Manuel Neuer (Bayern Munich)
Në mbrojtje: Thiago Silva (PSG), Marcelo (Real Madrid), Sergio Ramos (Real Madrid), Dani Alves (Barcelona)
Në mesfushë: Luka Modric (Real Madrid), Andre Iniesta (Barcelona), Paul Pogba (Juventus)
Në sulm: Neymar (Barcelona), Lionel Messi (Barcelona), Cristiano Ronaldo (Real Madrid)
Në votim për topin e artë morën pjesë edhe tre përfaqësues të FSHF Giani de Biazi, Lorik Cana dhe Besnik Dizdari.
Për tre emrat për “Topi i Artë” Messi, Ronaldo dhe Neymar përfaqësuesit e Shqipërisë kanë votuar si më poshtë:
De Biassi, trajneri i kombëtares: 5 pikë i ka dhënë Messit, 3 pikë Ronaldos dhe 1 pikë për Neymar
Lorin Cana, kapiteni i kombëtares: 5 pikë Ronaldos, 3 pikë Messi dhe 1 pikë Neymar
Besnik Dizdari, gazetar sportiv: 5 pikë Messit, 3 pikë Ronaldos dhe 1 pikë e ka dhënë për Neymar
