KMA NEWS / Policia e Tiranës ka lënë të lirë pas 10 orësh studenten Marinela Ruko. Studentja firake u shoqërua rreth orës 17.30 pasi i hodhi salcë në kokë Ministres së Arsimit, Lindita Nikolla, gjatë një aktiviteti në Tiranë.
Marinela Ruko, aktiviste e lëvizjes “Për universitetin”, u la e lirë rreth orës 3.00 pas mesnate. Ajo qëndroi afro 10 orë në Komisariatin Nr.1. Lirimin e saj e bëri publik vetë lëvizja me një njoftim në Facebook.
“Pak momente më parë, pas mbajtjes së padrejtë për më tepër se 10 orë në ambientet e komisariatit nr.1, dhe po kaq orë qëndresë nga studentë, aktivistë e qytetarë, më në fund aktivistja Mirela Ruko u lirua.
Ju falenderojmë të gjithëve për mbështetjen dhe solidaritetin! Rezistenca do të vazhdojë, edhe më e fortë! Pushtetarët nuk kanë parë gjë akoma!
Për Universitetin, Për Shoqërinë!”
