GAZETA E LONDRES – Ndahet nga jeta pa pritur ylli i futbollit gjerman Andreas Brehme
Ish-ylli i Bayern Munchen, Interit dhe kombëtares së Gjermanisë Brehme, ka ndërruar jetë në orët e para të së hënës, pas një arresti kardiak, njoftojnë mediat sportive.
Brehme, përveçse si lojtar ka qenë edhe trajner futbolli, ndërsa më së shumti mbahet mend për golin e fitores për Gjermaninë në finale e Kupës së Botës 1990, kundër Argjentinës me një goditje dënimin në minutën e 85-të.
Ai ka luajtur si një mbrojtës i majtë, i cili ishte i aftë të luante në të gjithë linjën, ndërsa spikaste për aftësitë e tij krosuese, goditje e lira dhe penalltitë.
Pas tërheqjes nga futbolli aktiv, ai nisi karrierën si trajner dhe klubi i parë që do të drejtonte ishte pikërisht ai që nisi karrierën, FC Kaiserslautern. Aty do të qëndronte për dy vite, ku më pas u shkarkua, pasi ekipi rrezikoi rrëzimin nga kategoria.
Më pas, ai mori drejtimin e Unterhaching, kur do të lirohej nga detyra në vitin 2005, ndërsa pas kësaj eksperience do të ishte asistent trajner te Stuttgart.
