SHQIPTARI NEWS – Përfaqësuesja e opozitës parlamentare në Këshillin Politik ka folur në përfundim të mbledhjes duke i bërë thirrje kolegëve që të bojkotojnë çdo takim tjetër derisa të shqyrtohet propozimi për listat 100% të hapura. Hajdari theksoi se nuk do të bëjnë asnjë centimetër pas ndërsa draftin e PS e cilëson hileqar.
Hajdari: Reforma Zgjedhore ka filluar sërish të bie dhe të futet në grackën që ka rënë gjithmonë. Partitë politike e përdorin për të fuqizuar partitë e tyre, jo qytetarin. Është e trishtë sepse kemi thënë se qytetari duhet të fuqizohet me këtë reformë zgjedhore. Qytetarët duhet të kenë të drejtën e tyre kushtetuese.
Është e trishtë që PS këmbëngul me një draft që është hileqar, ndaj duhet të vazhdojmë që ti bëjmë thirrje PS dhe çdokujt që është serioz për të hapur lista 100%. Ne nuk mund të negociojmë me sovranitetin e popullit. Nuk do të bëjmë asnjë centimetër pas. Kushdo që do jetë kryeministër nesër, do të jetë në gjendje që të ulë korrupsionin. I ftoj kolegët e opozitës parlementare që të refuzojmë çdo mbledhje e seancë plenare derisa të futet propozimi jonë për listat e hapura 100%.
Edhe nga mbledhja e sotme e Këshillit Politik, palët dolën sërish pa marrëveshje. Edhe pse maxhoranca kërkon version të propozuar nga opozita e bashkuar për koalicionet, sërish nuk ka marrë përgjigje. Ndërsa ushtron presion duke pretenduar se ndryshimet në Kodin Zgjedhor i miratojnë në Kuvend me ndihmën e opozitës së. PD-LSI duan t’i mbajnë koalicionet siç janë, ndërsa kërkojnë me ngulm rekomandime nga OSBE-ODHIR. Edhe Rudina Hajdari akuzoi maxhorancën se kërkonte që të përfitonte nga ndryshimet për të qëndruar në pushtet. Ndërsa Murrizi nxjerr blof palët me pyetjen që i bëri ekspertit të OSBE.
