KMA NEWS/ Kryetari i Kuvendit, Ilir Meta, kërkon ngritjen e një komisioni të posaçëm për reformën zgjedhore. Për këtë arsye ai ka ftuar kryetarët e grupeve parlamentare që të shprehin vullnetin e tyre për fillimin e këtij procesi. Letra e siguruar nga lapsi.al i është drejtuar kreut të grupit parlamentar të PS, Gramoz Ruçi, Edi Palokës së PD, Petrit Vasilit të LSI, Shpëtim Idrizit të PDIU, Fatmir Mediut të PR dhe kryetarit të Partisë Bashkimi për të Drejtat e Njeriut, Vangjel Dule, i cili nuk është pjesë e ndonjë grupi parlamentar. Kërkesa e Metës vjen në një kohë kur opozita ka kërkuar krijimin e një qeverie teknike e cila, detyrë kryesore do të ketë përgatitjen e zgjedhjeve të parakohshme. / Lapsi.al
