Qeveria britanike do të prezantojë ligjin e ri historik për të mbrojtur të rinjët nga dëmet e pirjes së duhanit

Qeveria e Mbretërisë së Bashkuar është e vendosur të prezantojë një ligj të ri historik për tu ndaluar pirjen e duhanit për fëmijët deri  në moshën 14 vjeç, si dhe do tu ndalohet blerjen e cigareve në Angli, në një përpjekje për të krijuar ‘brezinën e parë pa duhan’.

Legjislacioni i ri i propozuar do ta quaj shkelje për çdo person të lindur më ose pas 1 janarit 2009 shitjen e produkteve të duhanit – duke rritur efektivisht moshën e pirjes së duhanit me një vit çdo vit derisa të zbatohet për të gjithë popullsinë. Kjo ka potencialin për të hequr gradualisht duhanin tek të rinjtë pothuajse plotësisht deri në vitin 2040.

Pirja e duhanit shkakton shumë varësi, me 4 në 5 duhanpirës që fillojnë para moshës 20 vjeç dhe mbeten të varur gjatë gjithë jetës së tyre. Duke i ndaluar të rinjtë të fillojnë të pinë duhan, qeveria do të mbrojë një brez të tërë të rinjsh nga dëmet e pirjes së duhanit ndërsa ata rriten.

Pirja e duhanit është vrasësi më i madh i parandalueshëm në Mbretërinë e Bashkuar – duke shkaktuar rreth 1 në 4 vdekje nga kanceri dhe duke çuar në 64,000 vdekje në vit në Angli. Ajo ushtron presion të madh në Shërbimin Publik Shëndetësorë, me pothuajse një pranim në spital çdo minutë që i atribuohet pirjes së duhanit dhe deri në 75,000 takime me mjekun e përgjithshëm çdo muaj të kryera nga sëmundjet e lidhura me duhanin.

Është gjithashtu një nga nxitësit më të mëdhenj të pabarazive shëndetësore në të gjithë vendin – vdekjet nga duhani janë më shumë se dy herë më të larta në autoritetet lokale më të privuara, ku më shumë njerëz pinë duhan, krahasuar me më të pasurit. Normat e pirjes së duhanit gjatë shtatzënisë gjithashtu ndryshojnë shumë, me rreth 20% të grave shtatzëna që pinë duhan në disa pjesë të vendit – duke rritur mundësinë e lindjeve të vdekur me pothuajse 50%.

Pirja e duhanit gjithashtu i kushton ekonomisë 17 miliardë paund në vit, përmes të ardhurave të humbura të lidhura me duhanin, papunësisë, vdekjeve të hershme dhe kostove për Shërbimit Publik Shëndetësor.

Këto ndryshime përbëjnë një nga ndërhyrjet më të rëndësishme të shëndetit publik nga qeveria në një brez. Nëse qeveria nuk vepron, rishikimi i pavarur i publikuar në vitin 2022 vlerësoi se gati gjysmë milioni njerëz do të vdesin nga duhani deri në vitin 2030.

Më gjerësisht pritet të nënkuptojë deri në 1.7 milion njerëz më pak duhan deri në vitin 2075 – duke shpëtuar dhjetëra mijëra jetë, duke kursyer sistemin shëndetësor dhe të kujdesit miliarda paund dhe duke rritur ekonominë deri në 85 miliardë paund deri në vitin 2075. Gjithashtu do të shmangte deri në 115,000 raste të goditjeve, sëmundjeve të zemrës, kancerit të mushkërive dhe sëmundjeve të tjera të mushkërive.

Pirja e duhanit nuk do të kriminalizohet dhe qasja jonë me faza do të thotë se kushdo që mund të blejë ligjërisht cigare tani nuk do të pengohet ta bëjë këtë në të ardhmen, bënë me dije kabineti i kryeministrit Rishi Sunak.

Vetë kryeministri tha se, “asnjë prind nuk dëshiron që fëmija i tij të fillojë të pijë duhan. Është një zakon vdekjeprurës – duke vrarë dhjetëra mijëra njerëz dhe duke i kushtuar Shërbimit Publik Shëndetësorë (NHS-së) tonë miliarda çdo vit, ndërsa është gjithashtu jashtëzakonisht i dëmshëm për produktivitetin tonë si vend.

Unë dua të ndërtoj një të ardhme më të mirë dhe më të ndritshme për fëmijët tanë, ndaj kjo është arsyeja pse unë dua të ndaloj duhanin përgjithmonë. Këto ndryshime do të nënkuptojnë se fëmijët tanë nuk do të jenë kurrë në gjendje të blejnë një cigare, duke i parandaluar ata të fiksohen dhe duke mbrojtur shëndetin e tyre tani dhe në të ardhmen.”