KMA NEWS/ Qeveria miratoi projektligjin për regjistrimin e emigrantëve. Lajmi u bë me dije sot nga ministri i Brendshëm, Saimir Tahiri përmes një konference për mediat, ku i pranishëm ishte edhe ministri i Jashtëm Ditmir Bushati. Sipas Tahirit ky regjistrim është hapi i parë për të garantuar më pas edhe të drejtën e votës për emigrantët, në vendet ku ata jetojnë e punojnë.
“Ajo që kërkohet nga shqiptarët që jetojnë jashtë Shqipërisë është vetëm iniciativa për të dhënë informacionin pranë zyrave konsullore apo institucioneve në vendin tonë apo me një mekanizmë mjaft të thjesht të regjistrimit online të adresës. Barra e konfirmimit të adresës e konfrimit të informacionit dhe mbajtjes së lidhjes konstante me shtetasit shqiptarë që jetojnë jashtë vendin i takon shtetit shqiptar dhe institucioneve shqiptare”, tha Tahiri.
Sipas Tahirit krijimi i regjistrit të posaçëm për shqiptarët që jetojnë jashtë Shqipërisë është gjithashtu edhe një kthim borxhi, që shteti ynë u ka emigrantëve.
