KMA NEWS / Kryeministri i vendit Edi Rama i është drejtuar mëngjesin e sotëm Kryesisë së Kuvendit, nga ku është parë të hyjë në zyrën e Metës rreth orës 09:00.
Ky takim mes aleatëve të qeverisë mbahet në një klimë të acaruar kur Meta është shprehur për një qeveri besimi, ndërsa Rama është deklaruar i vendosur se nuk do të ketë qeveri teknike dhe as besimi.
Replikat në distancë mes tyre nisën fill pas darkës së peshkut tësëdielës tek Pazari i ri. Në media u përhap me shpejtësi lajmi se është arritur akordi për të qeverisur bashkë edhe për 4 vite të ardhshme. Por të hënën në mbrëmje, kryeparlamentari njëkohësisht edhe kryetar i LSI-së, Ilir Meta ka deklaruar se është i gatshëm të bëjë koalicion me PS, por më parë duhet gjetur zgjidhja për të futur edhe opozitën në zgjedhje.
Ai propozoi një qeveri besimi. Nga ana tjetër, në reagimin e tij, Edi Rama, të martën në mesditë u shpreh se kjo qeveri do ta çojë vendin në zgjedhje. Sipas tij, nuk mund të shkelet Kushtetuta për tekat e opozitës.
