SHQIPETARI NEWS – Ditën e sotme është mbledhur online Këshillin Politik i Reformës Zgjedhore. Mbledhja nisi në orën 10:00 të paradites së sotme, për u mbyll në orën 11:15. Të pranishëm në mbledhje ishin Damian Gjiknuri, Rudina Hajdari nga opozita e re , Oerd Bylykbashi nga PD-ja dhe Petrit Vasili nga LSI-ja. Pas mbledhjes, Opozita ka kërkuar që takimi i radhës të bëhet përballë dhe që të mbarojë i gjithë procesi më 31 maj.
Pas mbledhjes, Damian Gjiknuri dhe Rudina Hajdari deklaruan se në fund të majit mund të arrim një konsensus për ndryshimet në Reformën Zgjedhore. Hajdari theksoi se deri në fund të majit duhet të zhvillohen 5 mbledhje online, ndërsa Gjiknuri u shpreh se për gjërat që nuk do të bien dakord, do t’i dejtohen ODIHR-it për opinion.
3 kërkesat e opozitës:
1. Reforma të mos vonohet më tej, por të mbarojë deri në 31 maj.
2. Në këtë funksion, takimet mes palëve duhet të rikthehen në formatin e tryezës ballë për ballë, jo përmes komunikimit online.
3. Puna e Këshillit Politik të rinisë me çështjet e propozuara nga opozita, në mënyrë që pala tjetër të mbajë një qendrim për të gjitha propozimet e lëna pa përgjigje deri tani.
Më 6 maj Komisioni i Reformës Zgjedhore zhvilloi një tjetër mbledhje online, në të cilën u bë informimi i anëtarëve të këtij Komisioni mbi ecurinë e Reformës. Pas mbledhjes Gjiknuri tha se nuk do të ketë më Këshill Politik dhe shtoi se votat janë për miratimin e kësaj Reforme. Ndërsa Rudina Hajdari theksoi se fjala kyçe e kësaj reforme është konsensusi. Opozita u shpreh se është gati për t’u ulur në tryezë për të përfunduar reformën.
