GAZETA E LONDRES – Regjimi i Putin fsheh trupin e Navalnyt, për të mbuluar gjurmët
Nëna e Alexei Navalny nuk ka qenë në gjendje të marrë trupin e të birit pas vdekjes së tij në një burg në Arktik, thotë një ndihmës i ngushtë i liderit të vdekur të opozitës ruse.
Kira Yarmysh tha se nënës së Alexeit, Lyudmila, iu tha se trupi i tij do të dorëzohej vetëm pasi të kishte përfunduar një ekzaminim pas vdekjes.
Ekipi i Navalny beson se aktivisti kundër korrupsionit u vra me urdhër të presidentit Vladimir Putin.
Një grup i të drejtave të njeriut tha se 400 rusë ishin arrestuar për pjesëmarrje në homazhe.
Qeveritë perëndimore thonë se fajin e kanë autoritetet ruse për vdekjen e papritur të 47-vjeçarit, ndërsa ministrat e jashtëm nga grupi i vendeve të pasura G7 i bënë thirrje Rusisë që të “sqarojë urgjentisht” rrethanat që e rrethojnë atë.
Putin nuk ka komentuar publikisht që kur shërbimi rus i burgjeve njoftoi të premten se Navalny ishte sëmurë dhe vdiq në burgun e largët IK-3 në Rrethin Arktik.
Menjëherë pas kësaj, Kremlini tha se ishte në dijeni dhe presidenti ishte informuar.
Ministria e Jashtme e Rusisë tha se hodhi poshtë vlerësimet “të njëanshme dhe joreale” mbi shkakun e vdekjes së tij, të bëra gjatë një takimi me zyrtarët britanikë të shtunën.
“Tani është e qartë se vrasësit duan të mbulojnë gjurmët e tyre dhe për këtë arsye nuk po e dorëzojnë trupin e Alexeit, duke e fshehur atë edhe nga nëna e tij”.
Me këto fjalë, ekipi i Alexei Navalny, me një postim në Telegram, akuzon autoritetet ruse se nuk e kanë dorëzuar trupin e tij të pajetë “sepse nuk duan të dihet metoda që përdorën për të vrarë Alexein”.
Trileri mbi trupin e Navalny vazhdon teksa autoritetet ruse arrijnë në përfundimin se lideri i opozitës ruse nuk ka vdekur nga një akt kriminal, por nga “Sindroma e Vdekjes së Papritur”.
Megjithatë, kur nëna e tij shkoi në morgun e burgut në Siberi për të marrë trupin e tij, ajo zbuloi se nuk ishte aty.
Ku është Navalny? Askush nuk i përgjigjet Ludmila Navalny, e cila tani flet hapur për vrasje dhe zotohet të mos dorëzohet.
“Dhe le të më futin në burg, unë do të bërtas”, thotë ajo.
Me cilësimin e Alexei Navalny si “ekstremist” nga shteti rus, kushdo që demonstron për të, ose që tregohet se ka pasur ndonjë lidhje me të, rrezikon të arrestohet.
Ndërsa u arrestuan, bazuar në informacionin e transmetuar nga media ruse, më shumë se 400 rusë në 36 qytete për demonstrata pas vdekjes së Navalny.
Midis tyre, në Shën Petersburg u arrestua një prift, i cili njoftoi se do të bënte ceremoninë e varrimit për të ndjerin.
Sipas bashkëshortes së Navalny, prifti Grigory Mikhnov-Vyatenko u arrestua pranë shtëpisë së tij ndërsa po shkonte për në memorialin Solovetsky për viktimat e persekutimit politik në Bashkimin Sovjetik.
Pak më vonë, siç njoftoi në Telegram anëtari i opozitës Boris Vishnevsky, Mikhnov-Vytenko u dërgua në spital me një goditje në tru.
“Në komisariatin numër 43, avokati i tij thirri një ambulancë. Grigory u dërgua në spital ku u konstatua se ai duhet të trajtohet”, tha Ëisniewski.
Në Rusi, ku edhe prifti që do të varros liderin e opozitës është në telashe, ndoshta është e arsyeshme që kundërshtarët e Vladimir Putinit të kenë frikë.
Nënës së tij, Lyudmila Navalnaya, thuhet se iu tha nga shërbimi i burgut se ai vdiq të premten pasi u rrëzua dhe ra pa ndjenja gjatë një shëtitjeje, tha ekipi i tij.
Ajo vizitoi koloninë të shtunën dhe iu dha një njoftim zyrtar që thoshte se ora e vdekjes ishte 14:17 me orën lokale (10:17 meorën tonë), tha zonja Yarmysh.
Një tjetër aleat i Navalny, Ivan Zhdanov, tha se nënës së aktivistit iu tha se shkaku i vdekjes ishte “sindroma e vdekjes së papritur” – një term i përgjithshëm dhe i paqartë për një gjendje që mund të mbulojë një arrest kardiak pa ndonjë shkak të dukshëm.
Ekipi i tij tha se zonjës Navalnaya iu tha se trupi i tij ishte dërguar në qytetin Salekhard, pranë kompleksit të burgut, por kur ajo mbërriti, morgu ishte i mbyllur.
Zyrtarët e burgut thuhet se i thanë asaj se një ekzaminim fillestar pas vdekjes nuk ishte përfundimtar dhe do të duhej të kryhej një i dytë.
Aleatët e Navalny pretendojnë se trupi i tij po mbahet qëllimisht nga autoritetet ruse në mënyrë që ata të “mbulojnë gjurmët” dhe bëjnë thirrje që trupi t’i kthehet familjes së tij “menjëherë”.
