GAZETA E LONDRES – Senatorja e SHBA takon nënkryetaren e PD-së, Jorida Tabakun
Një nga senatoret më të rëndësishme në Kongresin amerikan, demokratja Jeanne Shaheen, e cila është e para grua senatore dhe governatore e shtetit Nevv Hampshire, ka zhvilluar një vizitë në Shqipëri, ku është takuar edhe me numrin dy të Partisë Demokratik, Jorida Tabaku.
Ajo është një nga senatoret kryesore që ka ndikuar në masat antikorrupsion të SHBA ndaj Ballkanit Perëndimor, ku futen edhe ndëshkimet non grata.
“Është kënaqësi takimi me senator Jeanne Shaheen, anëtare e KPJ në Senat dhe njëkohësisht kryetare e nënkomisionit të Europës.
Njohëse shumë e mirë e çështjeve të Ballkanit Perëndimor, si dhe një senatore me eksperiencë në çështjet e politikës së jashtme-Nismetare e Ligjit për Mbështetjen e Luftës kundër Korrupsionit në Ballkanin Prëndimor.
Një nga zërat më të fortë të rritjes së pranisë së SHBA në rajon në fushën e investimeve dhe projekteve të qendrueshme ekonomike!
PD s’ka aleat më të besueshëm e mbështetës se SHBA! Shqipëria në NATO dhe rrugëtimi për në BE janë realitet prej mbështetjes së saj!
Prandaj mirëpresim çdo ndihmë në fushën e sigurisë kibernetike dhe padyshim zhvillimit teknologjik dhe energjitik të vendit”, shkruan Tabaku.
