SHQIPETARI NEWS / Ka shkuar në 23 numri i viktimave në Shqipëri nga koronavirusi, pasi sot humbi betejën me koronavirusin edhe një paciente 72 vjeçare e cila kishte probleme edhe me tiroidet dhe tensionin e gjakut.
Sipas të dhënave 9 raste të reja janë zbuluar për gjatë 24 orëve të fundit nga testimi i 234 personave të dyshuar.
Numri i përgjithshëm i të infektuarve ka shkuar në 409 persona, ndërsa janë shëruar plotësisht 165 pacientë të prekur nga koronavirusi, ndërkohë që vazhdojnë testime të përditshme, prej nga zbulohen raste të reja.
Sipas mjekut tashmë të njohur Pëllumb Peroni, shifrat e përhapjes së kësaj sëmundjeje për Shqipërinë arritën pikun gjatë kësaj jave, kështu që në ditët në vazhdim do të kemi një rënje të dukëshme dhe të kënaqëshme të kurbës.
Qytetet më të prekura janë Tirana me 208 raste, Shkodra me 49 raste dhe Durrësi me 43 të prekur dhe Fieri 37 veta. Kjo është tabela e statistikave që Ministria e Shëndetësisë ka botuar për gjithë Shqipërinë 
Deri më tani, në spitalin Infektiv janë shtuar 52 të infektuar, 5 prej të cilëve janë në terapi intensive. Ndërsa tek “Shefqet Ndroqi”, janë 6 pacientë të shtruar, 5 pacientë janë në terapi intensive dhe 4 prej tyre janë të intubuar. Ajo që bie në sy fakti se 53% e të infektuarve nga Covid-19 në vendin tonë janë meshkuj.
Autoritetet po vazhdojnë të mbajnë në fuqi masa të shtrënguara në qarkullimin e këmbësorëve dhe automjeteve me orare të reduktuara. Në rrugë qarkullojnë vetëm automjetet e shërbimeve publike, policia dhe ushtria, ndërsa janë krejt të mbyllura parqet natyrore dhe lulishtet, restorantet, lokalet dhe mjedise të tjera ku më parë kishte tubime masive të qytetarëve.
