SHQIPTARI NEWS – Alternativa Demokratike Shqiptare ka fituar 4 mandate në zgjedhjet parlamentare të Serbisë, në zgjedhjet e së dielës. Shqiptarët garuan në një listë të përbashëkët në zgjedhjet e 21 qershorit pasi u arrit konsensusi politik mes partive në Luginë të Preshevës dhe Medvegjë.
Rezultati u arrit përkundër faktit që disa shqiptarë të Luginës nuk u lejuan të votojnë. Në përgjithësi, Partia e Aleksandar Vuciç SNS ka fituar 62.5% të votave dhe ka arritur një fitore bindëse në zgjedhje. Parashihet që SNS të kenë 180 ulëse, shkruan Express.
Ndërkohë votimi për zgjedhjet parlamentare në Serbi është mbajtur edhe në komunat me shumicë serbe në Kosovë.
Sipas OSBE’së, që ka monitoruar këto zgjedhje, mbi 55 mijë votues kanë ushtruar të drejtën e tyre të votës në Kosovë.
