KMA NEWS / Aktivistë të Lëvizjes për Universitetin kanë qëlluar me bojë të kuqe sot ministren e Arsimit Lindita Nikolla gjatë një aktiviteti te Piramida ku po mbahej Samiti Ndërkomëbtar i Studentëve.
Nikolla ishte e ulur, teksa i afrohet një aktiviste që e ka sulmuar më bojë të kuqe.
Më pas Lëvizja për Universitetin ka reaguar në Facebook përmes një komunikate. Më poshtë reagimi.
Sot, në ditën ndërkombëtare të studentëve, aktivistët e Lëvizjes Për Universitetin kryen një aksion simbolik kundër ministres së Arsimit Lindita Nikolla. E spërkatën me salcë duke i bërë për një moment atë çka ajo dhe qeveria shqiptare i kanë bërë jetës universitare publike prej kohësh: shprishjen. Sot mijëra maturantë meritorë janë ende pa të drejtën studimi dhe po aq kuota të paplotësuara ka në universitetet publike. Skema e regjistrimit të studentëve ka favorizuar haptas universitetet private kliente të qeverisë. Prandaj ne kemi kërkuar dhe kërkojmë dorëheqjen e ministres Nikolla.
Rezistenca vazhdon!
Për Universitetin, Për Shoqërinë!
Aktivistja që i hodhi bojë të kuqe apo salcë ministres se Arsimit, Lindita Nikolla, është shoqëruar në komisariatin Nr.1 në kryeqytet.
Ajo është Mirela Ruko, pjesë e Lëvizjes për Universitetin, e cila muaj më parë ndërmori një sulm ndaj kryeministrit Edi Rama teksa ky i fundit hynte në Fakultetin e Shkencave Sociale.
Incidenti me ministren Nikolla ndodhi teksa ajo ishte ulur në radhën e parë në pritje të nisjes së Samitit Ndërkombëtar të Studentëve.
Miq dhe mbeshtetes se te njejtes kauze jane mbledhur para komisariatit te policise.
Kjo është hera e dytë që aktivistë të tillë sulmojnë anëtarë të qeverisë. Rasti i parë që goditja me vezë e kryeministrit Rama.
