GAZETA E LONDRES – Albin Kurti shmang PD nga vizitat e tij në Tiranë: Metën e takova në cilësinë e ish-presidentit
Albin Kurti takon Ilir Metën, sipas tij “ish presidentin më të mirë shqiptar” që duhej ta informonte për marveshjen me Serbinë!
Kryeministri i Kosovës, Albin Kurti është pyetur edhe për ‘shmangien’ e PD-së nga axhenda e takimeve të tij në Tiranë. Ai u shpreh se takimi me Metën nuk ka qenë në cilësinë e kryetarit të Partisë së Lirisë, por si ish president. Kurti u shpreh se e pa të udhës ta informonte për procesin e dialogut me Serbinë dhe për marrëveshjen e Ohrit.
“Kam takuar krerët e tri institucioneve shtetërore dhe ish presidentin Meta dhe kam konsideruar se është e nevojshme dhe atë ndonëse nuk është më President. E di që Tirana dhe gjitha Shqipëria janë në ethet e fushatës dhe përfitoj nga rasti t’i uroj një proces zgjedhor sa më demokratik.”- tha Kurti.
Por ajo që bie ndesh me sinqeritetin e kryeministrit të Kosovës është se, kur Kurti paska pas obligim të informoi ish presidentët e Shqipërisë, pse zgjodhi ishin më të padëshiruar ndërkombëtarisht dhe shqiptarët dhe nuk zgjodhi ish presidentët më të nderuar ose të gjithë bashkë. Kjo na bënë ta konsiderojmë si figurë të dyshimtë edhe Kurtin!
