GAZETA E LONDRES – Qeveria shqiptare i kërkonë MB amnisti për emigrantët ilegal të cilët nuk kanë precedent penal
Ministri i Brendshëm Blendi Çuçi, thotë se problemi i migracionit të paligjshëm nuk mund të trajtohet nëse Britania e Madhe nuk përmirëson mënyrën se si merret me migracionin legal.
Qeveria shqiptare ka kërkuar një amnisti për shqiptarët e ndershëm të cilët nuk kanë precedent penal, që ndodhen në Britaninë e Madhe ilegalisht pa viza, si pjesë e marrëveshjes për të luftuar bandat e kontrabandës së njerëz e dhe emigracionin ilegal.
Bledar Cuci, ministri i Brendshëm i Shqipërisë, e bëri këtë thirrje gjatë takimit ballë për ballë me Sekretaren e Brendshme, Suella Braverman gjatë vizitës në MB me kryeministrin Edi Rama, javën e kaluar.
Z. Cuci tha se problemi i migracionit të paligjshëm nuk mund të adresohej nëse qeveria e Mbretërisë së Bashkuar nuk përmirësonte mënyrën se si e trajtoi migracionin legal.
Ai kërkoi një lehtësim të regjimit të vizave të punës në Mbretërinë e Bashkuar për të lejuar më shumë shqiptarë të hyjnë legalisht në Britani për të punar, duke përfshirë punën sezonale, ku ks kërkuar edhe një amnisti për ata që tashmë janë në MB.
“I kërkova Suella Braverman të rishikonte ligjin se si shqiptarët që largohen për të punuar në Britaninë e Madhe të jetë më i lehtë për punësim të ligjshëm dhe punë sezonale,” tha z. Cuci.
“I kërkova të jepte një amnisti për të gjithë shqiptarët pa vizë por të ndershëm pa precedentë penalë. Shqiptarët janë një komunitet vital dhe i mirëintegruar në MB. Është e papranueshme të veçohet komuniteti shqiptar në Britaninë e Madhe dhe të stereotipizohen për shkak të disa ilegalëve”.
Një burim pranë zonjës Braverman tha: “Sekretarja e Brendshme ishte e lumtur që u takua me ministrin Çuçi për të diskutuar marrëdhëniet e Mbretërisë së Bashkuar me Shqipërinë.
“Ajo shpjegoi se britanikët gjithmonë do t’i mirëpresin shqiptarët që udhëtojnë legalisht në Mbretërinë e Bashkuar dhe se ajo kishte respekt të madh për vendin e tyre. Ajo gjithashtu i dëgjoi me interes propozimet e tij.”
Shqiptarët përbënin rreth një të tretën e 45,700 njerëzve që arritën ilegalisht në Mbretërinë e Bashkuar me varka të vogla përgjatë Kanalit vitin e kaluar.
Rreth 800 janë dëbuar deri më tani, duke lënë mijëra të izoluar, duke ndjekur pretendime për azil ose skllavëri moderne ose duke punuar në ekonominë në të zezë.
Britania ka rënë dakord për një marrëveshje me Shqipërinë për të përshpejtuar kthimin e emigrantëve që hyjnë përmes të Kanalit që arrijnë në Mbretërinë e Bashkuar ilegalisht. Javën e kaluar, zoti Sunak ra dakord për një marrëveshje të re për dëbimin e parakohshëm të të gjithë shkelësve shqiptarë të kualifikuar të mbajtur në burgjet britanike për të vuajtur pjesën tjetër të dënimit në Shqipëri .
