GAZETA E LONDRES – Izraeli bombardon Iranin me sulme ajrore
Izraeli kreu sulme ajrore duke bombarduar Iranin. Sonte vonë janë dëgjuar shpërthime të mëdha në Teheran bëjnë me dije mediat shtetërore, ku kanë njoftuar se po marrim raportime për shpërthime të shumta të dëgjuara në kryeqytetin iranian.
Izraeli thotë se po kryen “sulme të sakta ndaj objektivave ushtarake” në Iran
Forcat e Mbrojtjes së Izraelit thonë se sulmet janë në përgjigje të “sulmeve të vazhdueshme mujore nga regjimi i Iranit”.
Ushtria izraelite thotë se, “si çdo vend tjetër sovran në botë, shteti i Izraelit ka të drejtën dhe detyrën të përgjigjet”, për shkak se “regjimi në Iran dhe përfaqësuesit e tij në rajon… sulmojnë pamëshirshëm Izraelin” që nga koha e 7 tetorit 2023.
“Kapacitetet tona mbrojtëse dhe sulmuese janë mobilizuar plotësisht,” thotë përfaqësuesi i ushtrisë.
“Ne do të bëjmë gjithçka që është e nevojshme për të mbrojtur shtetin e Izraelit dhe popullin e Izraelit”, shton ai.
Zyrtarët iranianë të inteligjencës i thanë televizionit shtetëror se zhurma e shpërthimeve të forta “mund të jetë nga aktivizimi nga sistemi i mbrojtjes ajrore të Iranit”, bënë me dije agjencia e lajmeve Reuters, duke cituar TV shtetëror.
Zëdhënësi i Forcave të Mbrojtjes të Izraelit (IDF) Daniel Hagari lexoi gjithashtu një version të deklaratës që njoftonte sulmet kundër Iranit në një video, të cilën mund ta shikoni më poshtë.
