GAZETA E LONDRES – Kombëtarja shqiptare gati për betejën ndaj Andorrës – “kuqezinjtë” zbarkojnë në numër rekord në Encamp!
Në mbrëmjen e sotme, në orën 20:45, Kombëtarja shqiptare do të zbresë në fushë për tu përballur me Andorrën, në një sfidë vendimtare për kualifikueset e Kampionatit Botëror “Amerika 2026”. Ky takim pritet me padurim nga të gjithë tifozët kuqezi, të cilët e shohin si një mundësi të artë për të forcuar pozitat në grup dhe për të mbajtur gjallë ëndrrën e madhe të Botërorit.
Interesimi për këtë ndeshje ka qenë i jashtëzakonshëm. Pavarësisht se luhet në një stadium të vogël, në “Estadi de la FAF” të Encampit, prania e tifozëve shqiptarë do të jetë mbizotëruese. Sipas të dhënave zyrtare, rreth 75% e kapaciteteve të stadiumit do të pushtohen nga flamujt kuqezi. Nga 2100 biletat e vëna në shitje, më shumë se 1600 janë siguruar nga tifozët shqiptarë, të cilët kanë udhëtuar nga Shqipëria, Kosova, Zvicra, Italia dhe vende të tjera të Europës për të qenë pranë skuadrës së tyre të zemrës.
Megjithëse stadiumi ka një kapacitet modest prej rreth 5000 vendesh, atmosfera pritet të jetë elektrizuese, me korin “O sa mirë me qenë shqiptar” që do të jehojë në malet e Andorrës. Kombëtarja e drejtuar nga trajneri Silvinjio, synon jo vetëm fitoren, por edhe një paraqitje bindëse për të treguar se Shqipëria është më e fortë dhe më e pjekur se kurrë më parë.
Tifozët kuqezi, si gjithmonë, do të jenë “lojtari i 12-të” në këtë ndeshje, duke e kthyer Encampin për një natë në një mini-Tiranë, me ngjyrat, emocionet dhe krenarinë e një kombi që beson tek skuadra e vet.
