GAZETA E LONDRES – Kryeministri britanik Starmer telefonon Natanjahun pas mësymjes së shtëpisë së tij me dron
Kryeministri britanik Kier Starmer ka telefonuar kryeministrin e Izraelit Benjamin Netanyahu, menjëherë pas incidentit me dron.
Kryeministri Starmer tha se ishte i alarmuar kur dëgjoi për dronin e nisur drejt shtëpisë së kryeministrit Netanyahu këtë mëngjes.
Ata diskutuan situatën në Lindjen e Mesme pas vdekjes së liderit të Hamasit, Yahya Sinwar, për të cilin kryeministri tha se ishte një terrorist brutal dhe se bota është një vend më i mirë pa të.
Ai diskutoi gjithashtu me kryeministrin Netanyahu mundësinë e ofruar nga vdekja e Sinwar për të ndalur luftimet dhe për të nxjerrë pengjet. Kryeministri britanik theksoi gjithashtu rëndësinë e dërgimit të më shumë ndihmave në Gaza.
Së fundi, liderët diskutuan gjithashtu për Libanin dhe rëndësinë e përparimit në një zgjidhje politike.
