KMA NEWS / Pas tërmetit që goditi Italinë qëndrore, një ortek duket se ka shkaktuar tragjedinë më të madhe në Gran Sasso, në Pescara. Rreth22 turistë dhe 7 punonjës të hotelit Rigopiano ishin brenda tij në momentin kur orteku ra mbi të. “Janë shumë të zhdukur”, thotë një nga drejtuesit e ndihmës së shpejtë që arriti të shkojë pranë hotelit me ski gjatë natës. Në orën 9.30 është nxjerrë trupi i parë i pajetë, një burrë. Dy persona të tjerë që në momentin e tragjedisë gjendeshin jashtë ndërtesës, kanë arritur të shpëtojnë. Bëhet fjalë për kuzhinierin Giampiero Parete që ishte me pushime bashkë me familjen dhe Fabio Salzetta. Shumë të tjerë gjenden ende në hotelin e mbuluar nga dëbora dhe asgjë s’dihet për ta.
Ja si ishte Hoteli para tragjedisë:
Hotel Rigopiano, në Gran Sasso (Pescara), ishte një resort turistik malor me 4 yje. Ai ofronte SPA, sauna, pishinë e ambiente komode, me një kuzhinë tipike abruceze. Ishte një ndër destinacionet kryesore për turistët që frekuentojnë këtë zonë, veçanërisht në periudhën e dimrit. Kur orteku ra mbi të, në hotel gjendeshin 22 turistë dhe 7 anëtarë të personelit.
