SHQIPTARI NEWS – Kryeministri Edi Rama ka marrë pjesë sot në Forumin e Delfit. Në fjalën e tij, kryeministri Rama ka folur për marrëdheniet mes Shqipërisë dhe Greqisë, për mënyrën se si mund të përforcohen më tej dhe për marrëveshjen për detin. Mediat greke kanë pasqyruar fjalën e kreut të qeverisë shqiptare i cili gjatë fjalimit të tij ka folur edhe për Zonën Ekskluzive Detare dhe për minoritetin grekë të Shqipëri.
“Kemi bërë progres. Nuk është e lehtë, por kemi vullnet pozitiv dhe marrëdhëniet bilaterale për mendimin tim janë të mira. Përcaktimi është një çështje. Nuk kemi arritur akoma në një marrëveshje. Por, shikoni, Greqia dhe Italia, vende anëtare të BE prej shumë vitesh, arritën në një marrëveshje pak ditë më parë”, tha ai
Më tej Rama ka folur dhe për mënyrën se si mund të sigurohet lëvizja e lirë e qytetarëve, kapitalit dhe mallrave. Duke iu referuar çështjeve që lindin me Greqinë, ai tha se marrëdhëniet midis qytetarëve të dy vendeve janë shumë më të mira se ato të dy shteteve. Ai iu referua çështjeve të pronave të pakicave dhe tha se kjo çështje është shumë më e përgjithshme në Shqipëri dhe jo një çështje kombëtare.
Kreu i qeverisë gjithashtu iu referua çështjes së zonave detare dhe marrëveshjes së nënshkruar midis Greqisë dhe Italisë duke theksuar se Greqia dhe Shqipëria kanë pikëpamje të kundërta për këtë çështje. Ai gjithashtu falënderoi Greqinë për mbështetjen e saj të palëkundur në Shqipëri gjatë krizës së COVID-19 dhe për zgjatjen e lejeve të punës të punëtorëve nga Shqipëria gjatë së njëjtës periudhë.
Më në fund, zoti Rama tha se vendit të tij i duhen disa reforma legjislative, si dhe se kërkon bashkëpunim të mirë midis dy vendeve. Rama evidentoi se qeveria shqiptare po punon për përmirësimin e situatës dhe se është shënuar progres si dhe është miratuar një legjislacion i ri, që gëzon mbështetjen e Gjykatës së të Drejtave të Njeriut në Strasburg.
