KMA NEWS / Lajmi për moskandidimin e kryetares aktuale të FRESSH në zgjedhjet e reja me sa duket nuk rezultoi i vërtetë. Vetë kryeministri Rama ka shkruar në facebook duke i dalë në mbrojtje Joleza Kokës, fjalimi i së cilës, disa javë më parë u komentua masivisht në mediat sociale.
Edi Rama u bën thirrje atyre që sulmuan kryetaren e të rinjve socialistë të ndalojnë me baltën në adresë të saj, edhe pse pranon se dalja e saj publike nuk ishte e lavdërueshme. Lexoni të plotë reagimin e Ramës:
“Stop me sulmet mbi sajesa per nje 25 vjeçare!
Boll gure i leshuat per nje fjale pershendetese, qe dakord s’ishte e lavderueshme, nderkohe qe s’ju bejne asnje pershtypje fjalime te tera parlamentare ose partiake qe perbejne kercenim real per rendin logjik dhe gjuhesor te vendit tone!
Joleza eshte nje vajze e shkelqyer qe ka bere nje pune aspak te lehte dhe me jo pak rezultate pozitive ne drejtimin e FRESSh-it. Nuk e ka larguar askush nga drejtimi i FRESSh-it dhe nese do te kandidoje apo nuk do te kandidoje me kur te vije dita e zgjedhjeve te reja, eshte puna e saj dhe e askujt tjeter! Aq me pak eshte puna e atyre qe s’kane asnje lidhje dhe asnje pune me FRESSh-in.” – përfundon kryeministri, i cili më herët gjatë ditës së sotme u citua nga mediat e majta se i kishte prerë mundësinë e rikandidimit Jolezës, duke i ofruar asaj poste më të larta në PS.
