KMA NEWS / Në kuadër të pushimeve të sezonit verorë që sapo kanë nisur, ditët e para të pushimeve i filluam nga Luca, një qytezë fare pran Aeroportit Ndërkombëtar Elefteros Venizelos të Athinës, ku u akomoduam për disa ditë në një nga hotelet e bregdetit të bukur dhe pikërisht në “Hotel Faros”, ku administratore ishte znj. Anila Velaj një aktiviste e palodhur e komunitetit, kryetare e Lidhjes së Mësuesve Shqiptarë në Greqi.
Porsa mbrritëm në hotel kontaktin e parë e patëm me pronarin e Faros Mihalin, një avokat karjere i cili na priti ngrohtësisht, por kur i thamë se jemi miqtë e Anailës, ai na ftoi të ulemi në zyrën e tij dhe filloj të na flas përzemërsisht me fjalët më të mira për aktivisten e palodhur, administratoren e hotelit Anilën. Bile duke shprehur konsideratën e lartë për Anilën, në shenjë respekti ndaj saj, ai veç uljes së çmimit na ofroj edhe një natë falas në hotelin e tij.
Pasi u akomoduam në hotel në një ambient të pastër dhe me një sallon të madh me dy dhoma, guzhinë, banjo dhe ballkon të madh na u duk vetja sikur ishim në shtëpi dhe jo në hotel. Kaq ambient i madh dhe me një çmim tepër të levërdisshëm, ja vlen për tu frekuentuar, për të kaluar pushime të qeta dhe të bukura. Këshilloi të gjithë miqtë e mi që mos ta humbin rastin nëse duan të kalojnë pushime ekonomike dhe të këndëshme.
Po plazhi, 15 metra nga hoteli një mrekulli më vete, ku veç ujit të pastër dhe të ngrohtë e veçanta ishte niveli i tij dhe rëra. Niveli varionte nga 30cm dhe pas një trajektorje 100 metra linare shkonte në 1,8 m. Një plazh i veçantë për fëmijët dhe të gjitha moshat, një plazh për të gjithë. edhe këndi i lojrave për fëmijët ja shtonte edhe më shumë vlerat duke e shëndrruar në një kamp pushimi të mrekullueshëm. Kështu kaluam disa ditë të këndëshme dhe shumë çlodhëse.
Pas largimit nuk na mbeti gjë tjetër veçse të falenderojmë stafin e hotelit, si dhe të bëjmë një apel për të gjithë ata drejtues shoqatash që nuk janë në mardhënje pune, se ai që nuk është integruar për veten e tij dhe është i papunë nuk mund të kontriboi në integrimin e komunitetit dhe drejtimin e tij.
Kryetarët duhet të jen model në punë, shoqëri dhe në drejtim, ashtu si Anila dhe shumë të tjerë. U larguam duke marrë me vete respektin dhe kënaqësinë me shpresën për ta vizituar sërisht në të ardhmen këtë plazh të shkëlqyer dhe fare pranë kryeqytetit helen.
K. V.
