KMA NEWS / Ish studente e burses Fulbright, Fatjona Mejdini ishte një nga të ftuarat e takimit të Xhon Kerrit me përfaqësues të shoqërisë civile. Përveç censurës të mediave, Mejdini përmendi në takim TVSH, televizionin publik që ende sot ngjason me një relike të ndryshkur komuniste, për nga mënyra e organizimit.
Mejdini është gazetare e zyrës së BIRN, në Shqipëri.
Ja çfarë shkruan ajo për takimin:
“Pata fatin te ndaja nje bisede sot se bashku me 7 te rinj te tjere me Sekretarin amerikan te Shtetit, John Kerry si perfaqesues te te rinjve shqiptare ne perpjekjet tona modeste ne luften kunder korrupsionit dhe shtetit te se drejtes.
Persa i perket mediave i komunikova Sekretarit Kerry perpjekjet e gazetareve per te luftuar censuren dhe auto censuren dhe format e ‘buta’ te kapjes se medias qe shpesh perdoren nga politika.
Ndava me te dhe shqetesimin persa i perket mosfunksionimit te RTSH-se si nje television publik i shqiptareve i paguar me taksat e tyre dhe sesi refoma ne drejtesi i ndihmon ne menyre te drejteperdrejte edhe lirise se mediave ne vend”
